Blog Poetry

تیغ ستم سے اس کی مرا سر جدا ہوا

تیغ ستم سے اس کی مرا سر جدا ہوا
شکر خدا کہ حقِ محب۔ت ادا ہوا

قاصد کو دے کے خط نہیں کچھ بھیجنا ضرور
جاتا ہے اب تو جی ہی ہمارا چلا ہوا

وہ تو نہیں کہ اشک تھمے ہی نہ آنکھ سے
نکلے ہے کوئی لخت دل اب سو جلا ہوا

حیراں رنگِ باغ جہاں تھا بہت رُکا
تصویر کی کلی کی طرح دل نہ وا ہوا !

عالم کی بے فضائی سے تنگ آگئے تھے ہم
جاگہ سے دل گیا جو ہمارا بجا ہوا !

در پے ہمارے جی کے ہوا غیر کے لیے
انجام کار مدعی کا مدعا ہوا

اس کے گئے پہ دل کی خرابی نہ پوچھئے
جیسے کوئی کسو کا نگر ہو لٹا ہوا

بدتر ہے زیست مرگ سے ہجرانِ یار میں
بیمار دل بھلا نہ ہوا تو بھلا ہوا

کہتا تھا میر حال تو جب تک تو تھا بھلا
کچھ ضبط کرتے کرتے ترا حال کیا ہوا

Ready to get started?

Are you ready
Get in touch or create an account.

Get Started