Ghazlyat e Mir taqi mir
Literature,  Urdu,  ادب,  شاعری

Ghazlyat e Mir

آتا ہے دل میں حال بد اپنا بھلا کہوں

پھر آپھی آپ سوچ کے کہتا ہوں کیا کہوں

پروانہ پھر نہ شمع کی خاطر جلا کرے

گر بزم میں یہ اپنا ترا ماجرا کہوں

مت کر خرام سر پہ اٹھا لے گا خلق کو

بیٹھا اگر گلی میں ترا نقش پا کہوں

دل اور دیدہ باعث ایذا و نور عین

کس کے تئیں برا کہوں کس کو بھلا کہوں

آوے سموم جائے صبا باغ سے سدا

گر شمہ اپنے سوز جگر کا میں جا کہوں

جاتا ہوں میرؔ دشت جنوں کو میں اب یہ کہہ

مجنوں کہیں ملے تو تری بھی دعا کہوں

Leave a Reply