Blog Literature Urdu

میں تو خواب دیکھتا ہوں

میں تو خواب دیکھتا ہوں

کیسے تم سے میں جدا ہوں

تو میرا ہے میں تیرا ہوں

میں تو خواب دیکھتا ہوں

اِس چمن سے میرا رشتہ

تیرے واسطے ہی تو ہے

تیرے واسطے جہاں سے

سارے واسطے عبث ہیں

کوئی اَن دیکھی ادا کیا

کوئی اَن سنی صدا کیا

میرے واسطے جہاں کیا

تیری راہ دیکھتا ہوں

میں تو خواب دیکھتا ہوں

کیا تعبیر میں الجھنا

کیا تاثیرِ الفت و غم

کیوں ہو آنکھ ہر دم پر نم

ہر قدم پہ ڈھونڈتا ہوں

میں تو خواب دیکھتا ہوں

اَن کہی رہی حکایت

مجھے تجھ سے کیا شکایت

کر کبھی کبھی عنایت

تجھے خود میں کھو چکا ہوں

میں تو خواب دیکھتا ہوں

اب تیری طلب نہ خود کی

اب صبر و شکر بے معنی

جانے خود سے کیا کہتا ہوں

میں تو خواب دیکھتا ہوں

Last Updated on April 15, 2021 by ANish Staff

Leave a Reply