Literature

Ghazlyat e Mir

Spread the love

دامن پہ تیرے گرد کا کیونکر اثر نہیں

ہم دل جلوں کی خاک جہاں میں کدھر نہیں

اتنا رقیب خانہ بر انداز سے سلوک

جب آ نکلتے ہیں تو سنے ہیں کہ گھر نہیں

خون جگر تو کچھ نہ رہا تو ہی سب ہوا

بس اے سرشک آنکھیں تری کیا مگر نہیں

دامان و جیب و دیدہ و مژگان و آستیں

اب کون سا رہا ہے کہ ان میں سے تر نہیں

ہر نقش پا ہے شوخ ترا رشک یاسمن

کم گوشۂ چمن سے ترا رہگذر نہیں

کیوں الاماں کرے ہے دل شب گھڑی گھڑی

برچھی لگاتی آہ ہماری اگر نہیں

آتا ہی تیرے کوچے میں ہوتا جو میرؔ یاں

کیا جانیے کدھر کو گیا کچھ خبر نہیں

Leave a Reply

%d bloggers like this: